日日媽媽聲｜方紹聰常與媽媽「碌卡」增進感情 奶仔自爆：而家轉咗用嚟追女仔

由余安安、羅敏莊、陳凱琳擔任主持的《日日媽媽聲》第二輯，昨晚（5日）播出的一集，請來關心妍、周志康、方紹聰（奶仔）擔任嘉賓，其中奶仔帶同餅印媽「美麗姐」齊齊參與錄影，場面溫馨。

{{hket:inline-image name="324.jpeg"}}{{/hket:inline-image}}

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

出身於一般家庭的奶仔，與爸爸、媽媽及患有輕度弱智的家姐感情要好。雖然家姐未能以言語與奶仔溝通，但後者笑指二人默契十足：「好多人問我同家姐點溝通，其實我哋由細到大相處咗咁耐，可能一個眼神已經知對方想點，或者少少嘢我已經知佢係開心定唔開心。」

奶仔十分難忘家姐看到他在劇集《特技人》中演出後的開心反應，表示：「嗰時成家人一齊食飯，咁啱電視播我嘅戲份畫面，家姐睇住電視，企起身好開心係咁拍手掌！仲行出去指住部電視，再行埋嚟攬住我，同其他客人講『呢個係我細佬』。」說到此時，奶仔哽咽謂：「嗰刻好感動，我以為自己開心，原來佢戥我更加開心！」

{{hket:inline-image name="fong3.png"}}{{/hket:inline-image}}

奶仔媽媽「美麗姐」同時湊大奶仔及輕度弱智長女，她依然樂天開朗、沒有怨天尤人，笑言最希望是自己和女兒身體健康，更希望照顧女兒到70歲，二人一直一起走下去。「美麗姐」大爆奶仔出生時的小秘密，說︰「佢出世已經有八磅二！我生佢好辛苦㗎，生佢時因為太用力，塊臉爆晒微絲血管。」

{{hket:inline-image name="fong2.png"}}{{/hket:inline-image}}

「美麗姐」續指奶仔小時候有專屬二人的親密行為、促進親子關係，她說：「我餐餐都要同佢『碌卡』，我哋用臉嚟『碌卡』囉！」奶仔聞言，搞笑接招：「所以我哋個樣咁似係有原因，我哋而家少咗咁做嘞，會改為請佢食嘢或周圍去……而家碌咭、錫錫轉咗嚟追女仔，係Work嘅！」母子情非常深厚，奶仔又希望自己能像媽媽般一直做個開心快活人。

食腦喪B丨方紹聰暫別精神病角色初嘗男配角 感激家人無限量支持：姐姐以我為榮【下一頁】

撰文：林惠珊